Një shtetas rus është dënuar me katër vjet burg për sulm ndaj një vajze ne Britani, rast i denoncuar nga djali i presidentit amerikan Donald Trump. Baron Trump tregoi para policisë britanike se kishte qenë dëshmitar i sulmit gjatë një video-call vitin e kaluar.
Matvei Rumiantsev, 22 vjeç, u dënua në Gjykatën e Kurorës Snaresbrook të Londrës të premten, pasi u shpall fajtor në janar për sulm që shkaktoi dëmtime trupore, raportoi agjencia britanike e lajmeve PA Media.
Gjatë gjyqit, Rumiantsev pranoi gjithashtu se ishte xheloz për miqësinë e saj me Barron Trump, të cilin ajo e kishte takuar në rrjetet sociale, duke pretenduar se ai dhe viktima kishin pasur një mosmarrëveshje për këtë në vitin 2024.
Baron Trump, tani 19 vjeç, i tha policisë së Mbretërisë së Bashkuar në një telefonatë emergjente më 18 janar të vitit të kaluar: “Po telefonoj nga SHBA-ja, sapo mora një telefonatë nga një vajzë… ajo po dhunohet, po e vrasin, nderhyni”.
Vajza, emri i së cilës nuk mund të përmendet për arsye ligjore, u tha juristëve se besonte se ndërhyrja e Trump kishte ndihmuar në parandalimin e vrasjes së Rumiantsev.
