Ushtria izraelite ka njoftuar se ka vrarë një komandant të lartë të Hezbollahut gjatë një sulmi në Bejrut. Sipas Forcave të Mbrojtjes së Izraelit (IDF), trupat detare izraelite “kryen një sulm në Bejrut” dhe “eliminuan” Haxhin Yusuf Ismail Hashem, komandantin e njësisë së Frontit Jugor të Hezbollahut.
Njësia e Frontit Jugor është përgjegjëse për aktivitete terroriste kundër civilëve izraelitë dhe operacione luftarake kundër ushtarëve të IDF në jug të Libanit.
Hashem mori detyrën pas vrasjes së paraardhësit të tij, Ali Karaki, në shtator 2024, së bashku me ish-udhëheqësin e Hezbollahut, Hassan Nasrallah.
Sulmet izraelite në kryeqytetin libanez gjatë natës shkaktuan të paktën 9 viktima dhe 29 të plagosur, sipas Ministrisë së Shëndetësisë së Libanit.
Bombardimet janë intensifikuar që prej 2 marsit, pas predhave të Hezbollahut ndaj Izraelit, në përgjigje të një sulmi të përbashkët ushtarak të SHBA dhe Izraelit ndaj Iranit.
