Shiloh Nouvel Jolie, vajza 19-vjeçare e Brad Pitt dhe Angelina Jolie, ka bërë debutimin e saj të parë në një videoklip muzikor.
Ajo shfaqet në një fragment 26-sekondësh nga videoklipi “What’s a Girl to Do” i këngëtarit Dayoung, i cili pritet të publikohet i plotë së shpejti. Në video, Shiloh duket si balerinë, e veshur me bluzë të kuqe, me unaza të mëdha dhe vath ari në buzë, ndërsa flokët i ka të lidhura në gërsheta, duke tërhequr vëmendjen e fansave.
Ky hap shënon një tjetër moment të rëndësishëm në rrugëtimin artistik të saj, ndërsa në vitin 2024 ajo vendosi ligjërisht të heqë mbiemrin “Pitt” dhe përdor tashmë emrin Shiloh Nouvel Jolie.
Ish-çifti i famshëm ka gjashtë fëmijë: Maddox (24 vjeç), Pax (22 vjeç), Zahara (21 vjeçe), si dhe binjakët Knox dhe Vivienne (17 vjeç). Shiloh, Knox dhe Vivienne janë fëmijët biologjikë të çiftit, ndërsa të tjerët janë të adoptuar.
Debutimi i Shiloh në videoklip ka tërhequr menjëherë vëmendjen e mediave dhe fansave, duke sinjalizuar një hyrje të mundshme në botën e artit dhe performancës.
