Presidenti i Napolit, Aurelio De Laurentiis, ka propozuar disa ndryshime në rregullat e futbollit, duke synuar rritjen e shikueshmërisë dhe dinamikës së lojës.
Në një intervistë për “New York Times”, ai sugjeroi reduktimin e kohëzgjatjes së pjesëve nga 45 në 25 minuta, duke aplikuar vetëm kohën efektive të lojës.
Një tjetër propozim i tij lidhet me zëvendësimin e kartonëve me penalitete kohore, ku lojtarët do të largoheshin nga fusha për 5 ose 20 minuta.
De Laurentiis kërkoi gjithashtu rishikimin e rregullit të pozicionit jashtë loje, duke argumentuar se anulimi i golave për milimetra dëmton spektaklin.
Sipas tij, këto reforma do ta bënin futbollin më tërheqës për brezat e rinj, të cilët i konsiderojnë ndeshjet aktuale shumë të gjata. Kreu i klubit italian njihet për qëndrimet e tij dhe dëshirën për të modernizuar strukturën e sportit.
