Rojat bregdetare franceze shpëtuan 106 persona që udhëtonin me një mjet lundrues, i cili pësoi defekt gjatë përpjekjes së tyre për të kaluar Kanalin e La Manshit
Mjeti u pikas të shtunën, raporton BBC, ndërsa emigrantët u transferuan në një anije shpëtimi dhe u dërguan në Kale në orët e para të mëngjesit të së dielës.
Autoritetet ndërhynë fillimisht për të shpëtuar shtatë persona që hasën vështirësi, mes tyre edhe një grua që humbi ndjenjat dhe u desh të transportohej me helikopter.
Operacioni i shpëtimit vjen më pak se një javë pasi Britania dhe Franca arritën një marrëveshje me vlerë 662 milionë paund, me synim frenimin e emigrantëve nga ndërmarrja e këtij udhëtimi të rrezikshëm.
Gjashtë persona të tjerë u shpëtuan në një incident të veçantë, duke e çuar numrin total të të shpëtuarve në 119.
Nga fillimi i vitit 2026 deri më 22 prill, gjithsej 6.077 persona kanë kaluar Kanalin e La Manshit, zakonisht me mjete të vogla lundruese, një rënie prej 37% krahasuar me të njëjtën periudhë të vitit të kaluar
