Infeksionet seksualisht të transmetueshme (SST), përfshirë gonorreën dhe sifilizin, kanë arritur nivele rekord në Europë, sipas të dhënave të reja.
Qendra Europiane për Parandalimin dhe Kontrollin e Sëmundjeve Qendra Europiane për Parandalimin dhe Kontrollin e Sëmundjeve njoftoi se të dyja infeksionet kanë shënuar nivelin më të lartë në më shumë se një dekadë gjatë vitit 2024.
Sipas të dhënave, rastet e gonorresë arritën në 106,331, duke shënuar një rritje prej 303% krahasuar me vitin 2015, ndërsa sifilizi u raportua në 45,557 raste, më shumë se dyfishi i shifrave të mëparshme.
Agjencia shëndetësore thekson se “boshllëqet në zgjerimin e testimit dhe parandalimit” kanë ndikuar në rritjen e përhapjes dhe ka bërë thirrje për masa urgjente për kontrollin e situatës në vendet europiane.
“Këto infeksione mund të shkaktojnë komplikime serioze, si dhimbje kronike dhe infertilitet, dhe në rastin e sifilizit, probleme me zemrën ose sistemin nervor,” tha Bruno Ciancio, drejtues i njësisë për sëmundjet e transmetueshme dhe të parandalueshme.
Ai tha se rastet e sifilizit kongjenital, “kur infeksioni transmetohet drejtpërdrejt tek të porsalindurit, duke shkaktuar komplikime potencialisht të përjetshme”, pothuajse u dyfishuan nga 2023 në 2024.
“Mbrojtja e shëndetit seksual mbetet e thjeshtë. Përdorni prezervativë me partnerë të rinj ose të shumtë dhe bëni analiza nëse keni simptoma”, tha ai.
Spanja kishte numrin më të lartë të rasteve të konfirmuara të gonhorresë dhe sifilizit ndër vendet evropiane pjesëmarrëse në vitin 2024, me 37,169 dhe 11,556 raste respektivisht.
Qendra tha se burrat që kryejnë marrëdhënie seksuale me burra mbeten grupi më i prekur në mënyrë disproporcionale, duke treguar rritjet më të mëdha afatgjata të gonhorresë dhe sifilizit. Gjithashtu u raportua se gratë heteroseksuale në moshë riprodhuese kanë pësuar rritje të madhe të sifilizit.
Ndërkohë, klamidia mbetet infeksioni bakterial më i raportuar në përgjithësi, megjithëse rastet ranë me 6% që nga viti 2015, në 213,443 raste.
Cilat janë simptomat e gonhorresë dhe sifilizit?
Simptomat e gonhorresë mund të përfshijnë dhimbje, sekrecione të pazakonta dhe inflamacion të organeve gjenitale, por në disa raste nuk shfaqen simptoma. Ajo mund të parandalohet me përdorimin korrekt të prezervativëve dhe me marrjen e vaksinës nëse ofrohet.
Simptomat e sifilizit përfshijnë plagë rreth organeve gjenitale dhe gojës, skuqje në duar, rënie të flokëve dhe simptoma të ngjashme me gripin. Ato shpesh janë të vështira për t’u vënë re në fillim dhe mund të shfaqen e të zhduken me kalimin e kohës.
Ashtu si gonhorrea, edhe sifilizi mund të parandalohet me përdorimin e prezervativëve dhe të trajtohet me antibiotikë. Të dyja sëmundjet mund të shkaktojnë probleme serioze nëse lihen pa trajtim.
