Gjatë një interviste të fundit të bërë për mediat, influencerja Dea Vieri u pyet mbi të ardhurat mujore që do t’i siguronin një jetë të qetë dhe pa shqetësime financiare.
Përgjigjja e saj surprizoi një pjesë të publikut. “Për momentin do të doja 20 mijë euro në muaj. Jo se do të isha e lumtur, por do të më jepnin një lloj rehatie në mendjen time. Të paguaj shtëpinë, detyrimet… Nuk i kam ende, jam larg asaj”, u shpreh Dea.
Deklarata u përhap me shpejtësi në rrjetet sociale, ku ngjalli reagime të ndryshme. Megjithatë, Dea sqaroi se nuk e lidh lumturinë me paratë, por me sigurinë dhe qetësinë financiare që një e ardhur e tillë do t’i siguronte në përditshmëri.
