Një aksident rrugor me pasojë humbjen e jetës së një gruaje është regjistruar në aksin nacional Pogradec–Lin, në afërsi të fshatit Pojskë, ku dy automjete janë përplasur me njëra- tjetrën.
Sipas informacioneve, si pasojë e aksidentit kanë mbetur të plagosur dy persona, të cilët janë transportuar me ambulancë drejt spitalit të Pogradecit për të marrë ndihmë mjekësore.
Ndërkohë, mësohet se një grua, pasagjere në njërin prej mjeteve të përfshira në aksident, nuk mundi ti mbijetojë plagëve dhe për pasojë humbi jetën.
Shërbimet e Policisë ndodhen në vendngjarje dhe po punojnë për zbardhjen e plotë të rrethanave dhe shkaqeve të aksidentit.
