Timothée Chalamet dhe Kylie Jenner ishin mes çifteve që tërhoqën më shumë vëmendje gjatë finales së Kupës së Botës 2026. Kamera i kapi në tribunë teksa shkëmbenin puthje dhe momente të ëmbla, ndërsa ndiqnin nga afër përballjen mes Spanjës dhe Argjentinës.
Çifti mbërriti në stadium të dielën, më 19 korrik, dorë për dore. Kylie Jenner zgjodhi një veshje tërësisht të zezë, ndërsa aktori u shfaq me një bluzë blu me mëngë të gjata dhe pantallona të zeza. Pasi zunë vend në tribunën VIP, ata u panë duke shkëmbyer një puthje në buzë.
Përveçse ishte i pranishëm si spektator, aktori 30-vjeçar pati edhe një rol të veçantë para nisjes së finales. Ai zbriti në fushë për të dorëzuar topin zyrtar të ndeshjes. Vetëm pak ditë më parë, Chalamet kishte ndjekur edhe gjysmëfinalen mes Spanjës dhe Francës, ku u pa duke biseduar me David Beckham.
Timothée Chalamet dhe Kylie Jenner janë në një lidhje që prej prillit të vitit 2023 dhe që atëherë kanë bërë shpesh paraqitje të përbashkëta publike.
Në finalen e Kupës së Botës ishin të pranishëm edhe shumë emra të njohur nga bota e sportit dhe e spektaklit, mes tyre Matt Damon, Julia Garner, Kevin Hart, Winnie Harlow, Tom Brady, Patrick Mahomes, si edhe disa yje të NBA-së. Ndërkohë, spektakli i pjesës së parë u shoqërua me performanca nga Madonna, Shakira, Justin Bieber dhe BTS.
