Familjarët pas aksidentit tragjik në Durrës janë në pritje të trupit të pajetë të 26-vjeçares italiane nga Zocco, një lagje e Erbuscos
Sara Brugnatelli humbi jetën në aksidentin tragjik rrugor në Durrës, ndërsa sapo është kryer në Tiranë autopsia e trupit të saj.
Në aksident humbën jetën edhe partneri i saj, Kleo Vrioni, 25 vjeç, i cili drejtonte automjetin, si dhe një 15-vjeçar
Familja e të vajzës italiane pret kthimin e trupit në Itali, ndërsa sipas familjarëve, riatdhesimi i saj mund të bëhet javën e ardhshme, por ende nuk ka një datë të përcaktuar.
Familja e Sarës, ndërkohë, po përballet me dhimbjen dhe pritjen për kthimin e saj në Itali. Sipas kushërirës së 26-vjeçares, babai i saj është “i shkatërruar”, ndërsa familjarët po përpiqen ta mbajnë larg informacioneve të rënda për shkak të gjendjes së tij të brishtë.
Komuniteti i Zoccos dhe miqtë e Sarës janë mbledhur rreth familjes, duke kujtuar të renë si një vajzë të hareshme dhe bujare. “Ishte si një motër për mua. Një humbje jashtëzakonisht e madhe”, është shprehur kushërira e saj.
