Nga Arlind Lela
Kandidoj për Kryetar të Shoqatës Atdhetare Dibra sepse besoj se Shoqata Atdhetare Dibra duhet të jetë vendi që e mban komunitetin tonë të bashkuar, ruan kulturën tonë dhe na sjell më afër njëri-tjetrit.
Një nga gabimet më të mëdha që mund të bëjmë është të lejojmë që fëmijët tanë të humbasin gjuhën dhe traditat tona. Fëmijët tanë duhet të rriten duke folur shqip, duke e ditur prej nga vijnë dhe duke ruajtur lidhjen me Dibrën. Është detyra jonë t’ua bëjmë këtë më të lehtë prindërve përmes mësimit të gjuhës shqipe, aktiviteteve kulturore, aktiviteteve për të rinjtë, mentorimit, bursave dhe mundësive që fëmijët tanë të rriten së bashku.
Gjithashtu, na duhen më shumë arsye për t’u takuar me njëri-tjetrin. Shumë shpesh, familjarët, miqtë dhe njerëzit e komunitetit tonë i takojmë vetëm në dasma dhe funerale. SHAD duhet të organizojë më shumë aktivitete, programe, sporte, punëtori dhe tubime ku familjet tona mund të mblidhen gjatë gjithë vitit.
Qëllimi im është i thjeshtë: një SHAD më i fortë, më shumë mundësi për të rinjtë tanë, më shumë mbështetje për familjet tona, komunikim më i mirë, më shumë transparencë dhe një komunitet që mbetet i bashkuar për brezat që vijnë.
Gjuha jonë. Kultura jonë. Familjet tona. Komuniteti ynë.
Arlind “Lindi” Lela për Kryetar
Bashkim • Përparim • Komunitet
