Një aksident rrugor është regjistruar në vendin e quajtur Fratar, në aksin Levan-Tepelenë, ku dy automjete janë përplasur kokë më kokë.
Si pasojë e përplasjes, kanë mbetur të plagosur të dy drejtuesit e mjeteve, të cilët janë transportuar me urgjencë në Spitalin Rajonal të Fierit, ku po marrin ndihmë mjekësore.
Në vendngjarje kanë mbërritur shërbimet e Policisë dhe grupi hetimor, të cilët po punojnë për zbardhjen e rrethanave të aksidentit dhe menaxhimin e trafikut.
Paraprakisht, dyshohet se shkaqet e aksidentit mund të jenë shpejtësia e lartë dhe lagështia në rrugë.
