Finlanda po u jep 16 personave beqarë nga vende të ndryshme të botës mundësinë të përfitojnë një udhëtim katërditor falas në shkurt të vitit 2027.
Nisma është pjesë e fushatës turistike “Finnish Dinner Date” dhe përfshin biletat e avionit, akomodimin, ushqimin dhe një darkë speciale me beqarë vendas, të cilët pjesëmarrësit do t’i takojnë për herë të parë.
Takimet do të organizohen në Helsinki ose Tampere, ndërsa aplikimet janë të hapura deri më 10 nëntor 2026.
Fushata synon të krijojë mundësi për njohje të reja dhe ndoshta edhe për lindjen e një historie dashurie në Finlandë.
