Sipas njoftimit, një prej korsive të rrugës nga Sheshi Shqiponja deri te nënkalimi i Limuthit do të bllokohet
Autoriteti Rrugor Shqiptar ka njoftuar devijimin e përkohshëm të qarkullimit pranë ish-sheshit “Shqiponja”. Sipas njoftimit, një prej korsive të rrugës nga ish-sheshi Shqiponja deri te nënkalimi i Limuthit do të bllokohet.
Duke filluar nga data 13 nëntor, në rrugën që lidh ish-sheshin “Shqiponja” me autostradën e re do të vendoset vendosja e sinjalistikës rrugore, dekorimi si dhe sistemi i ndriçimit. Po ashtu, do të nisë ndërtimi i mbikalimeve për këmbësorët.
Njoftimi i plotë:
Autoriteti Rrugor Shqiptar vijon zbatimin e projektit “Plotësimi i punimeve dhe përmirësimi estetik nga Sheshi Shqiponja deri te nënkalimi i Limuthit”, i cili synon plotësimin e elementeve infrastrukturore dhe përmirësimin estetik të këtij aksi rrugor.
Në kuadër të këtij projekti, duke filluar nga data 13.11.2026, do të nisin punimet e parashikuara, të cilat përfshijnë ndërtimin e mbikalimeve për këmbësorët, gjelbërimin e segmentit rrugor, realizimin e sistemit të ndriçimit rrugor, si dhe përmirësimin e shtresave asfaltike në segmentin nga Sheshi Shqiponja deri në pikën e lidhjes me autostradën e re. Gjithashtu, do të realizohen edhe punime të tjera të parashikuara në projekt.
Gjatë zhvillimit të punimeve, në zbatim të planit të menaxhimit të trafikut, do të bëhet devijimi i përkohshëm i njërës prej korsive të qarkullimit, duke garantuar vijimësinë e lëvizjes së mjeteve në korsitë e tjera të disponueshme.
Kontraktori ka marrë masat e nevojshme për organizimin e trafikut, vendosjen e sinjalistikës së përkohshme dhe zbatimin e të gjitha masave të sigurisë rrugore, me qëllim garantimin e sigurisë së përdoruesve të rrugës dhe të personelit që në kantier.
Kërkojmë mirëkuptimin e drejtuesve të mjeteve gjatë zhvillimit të punimeve, si dhe respektimin e sinjalistikës së përkohshme dhe udhëzimeve të punonjësve në terren.
