Sekretari i Përgjithshëm i Partisë Demokratike, njëherazi dhe kandidati për deputet i qarkut të Elbasanit, Gazment Bardhi, ka zhvilluar një takim këtë të diel me banorët e fshatit Gjinar.
Banorët e këtij komuniteti, i kanë shprehur Bardhit të gjitha shqetësimet që kanë hasur ndër vite, ku më kryesoret, janë mungesa e një segmenti rrugorë dhe mungesa e tregut për prodhimet bujqësore të kultivuara prej tyre.
Në këtë takim, Gazment Bardhi ka theksuar se në takimet me banorët duhet reflektuar e vendosur një standard dhe ndëshkuar me votë atë politikan që gënjen dhe nuk mban premtimet.
“Shteti i këtyre ky është. Vret në mes të Elbasanit nuk i gjen gjë, tenton me ndërtuar çatinë apo avllinë këtu, të vijnë 20 policë nëse nuk ke paguar ryshfeti. Ka edhe arrogancën dhe ta thotë në sy ai. Më jepni votën se këto 4 vite do”, është shprehur Bardhi.
