Vlora do të bëj ndryshimin më 25 prill. Vlora do t’i jap ndëshkimin kësaj qeverie të korruptuar e lidhur me krimin, e cila është kujdesur veç për një grusht njerëzish duke lënë pas dore qytetarët të cilët sot jetojnë në skamje. Vlonjatët kanë ditur të bëjnë dallimin gjithmonë atëherë kur iu është dashur, kanë reaguar ndaj të keqes atëherë kur ajo ka prekur jetët e tyre dhe ka pllakosur vendin. Veç makiazhit dhe ai i lënë përgjysëm Rama dhe qeveria e tij nuk ka bërë asgjë për vlonjatët konkretisht. Përkundrazi sot në këtë qytet janë mjaft djem nënash të zhdukur, krimi po merr terren dita-ditës në qytet, papunësia është e madhe, varfëria është evidente, pronat poi u grabiten dhe dora e shtetit jo vetëm që nuk ndihet si ndihmë, por përkundrazi është kundër tyre. Përballë kësaj të keqeje vlonjatët i janë bashkuar alternativës së PD, Lulzim Bashës kryeministër. Kjo konfirmohet dhe në takimet e deritanishme të drejtuesit politik të qarkut Bujar Leskaj të cilat janë qenë tejet entuziaste dhe optimiste për një rezultat historik zgjedhor në kutitë e votimit më 25 prill.
Sot në orën 11 Lulzim Basha është në Vlorë ku do të pritet si kryeministër. Vlonjatët me shpresat e humbura shohin tek z.Basha një lider europian me një prigram të qartë ekonomik që do të sjell zhvillimin e Vlorës, Shqipërisë dhe integrimin në BE. Në Vlorë sot priten surpriza
