Një 39-vjeçar është gjetur i vdekur mbrëmjen e sotme në fshatin Libonik në Maliq. Mësohet se shtetasi A. L., jetonte vetëm dhe nga raportimet e para, në trupin e tij nuk janë konstatuar shenja dhune
Viktima njihej si përdorues i lëndëve narkotike.
“Më datë 07.12.2021, rreth orës 17:55, në fshatin Libonik, Maliq, në banesën e tij ku jetonte i vetëm, është gjetur i pajetë, pa shenja dhune, shtetasi A. L., rreth 39 vjeç, i cili nga të dhënat e para njihej si përdorues i lëndëve narkotike”, njofton policia.
Grupi hetimor po punon për zbardhjen e rrethanave të ngjarjes dhe përcaktimin e shkakut të vdekjes
