Nga Zef Ndreka
Që me 30 korrik , Lulzim Basha ka qënë përpara një sprove të fortë , të vështirë .
DASH-i , përmes ambasadores Yuri Kim , me ashpërsi , me qartësi dhe fort , kërkojë me insistim mosfutjen e Berishës në Parlamentin e ri që pritej të mblidhej në shtator .
Ultimatumi amerikan kishte afat rreth një muaj , kohë kur PD-ja dhe Basha duhej të vepronin .
Basha veproi siç dihet . Po ashtu kundërveproi edhe Berisha !
Basha me përjashtimin nga grupi parlamentar e më vonë nga PD-ja , Berisha me “Foltoren” , me populizëm dhe përçarje të PD-së .
E lehtë ishte të parashihej çfar do të ndodhte , si do silleshin “palet”, duke njohur Berishën e pa korrigjueshëm që nuk njeh indietro përballë askujt , qoftë edhe përballë amerikanëve .
Berisha nuk ndoqi rrugën e tij ligjore që vetë e artikuloji , pa qënë vetë pjesë reale e PD-së .
Ai nuk i ngurtesoi marrëdhëniet me PD-në , që do ishte zgjidhja ideale për të gjitha palët , edhe për amerikanët që të mos penalizonin PD-në për këtë shkak !
Kjo ishte prova më e fortë , për PD-në dhe Berishën .
Por , si përherë , Berisha u soll sikur të ishte President apo Kryeministër, e jo i shpallur non grata per korrupsion !
Shënimet amerikane të mbajtur ndër vite , si sjellja ndaj opozitës , shkatërrimi i partisë demokratike , të parës parti antikomuniste në Shqipëri , eliminimi i të gjithë konkurrentëve brënda saj , aderimi i Shqipërisë në Konferencën Islamike , vjedhja e votave , shkatërrimi i zgjedhjeve , skemat mashtruese financiare piramidale etj etj. janë aresye që amerikanët u kthyen pas në vite .
Sigurisht që ka edhe probleme të tjera shumë serioze , që futën në linjat konspirative dhe ne nuk mund të dijmë deri sa të bëhen publike .
Shpallja non grata e Berishës e ka trembur tërë politikën shqiptare .
Përveç Berishës , më të trembur janë Rama me ministrat e tij , është Presidenti Meta , që po vëzhgon të marrë drejtimin e njerës parti që del nga përçarja e PD-së .
Lufta e Berishës është luftë dhe mbështetje për gjithë të korruptuarit ! Është një rrezistencë që nuk mund të fitohet me Amerikën .
Amerikanët e kanë shumë seriozisht ! Dhe nuk bëjnë asnjë tolerancë me korrupsionin dhe të korruptuarit .
Dikush mund ti këtë marrë me shaka !
Amerikanët e dijnë shumë mirë se vetëm kështu ecën reforma në drejtësi që nuk mund ta ndalë askush ! Sepse vetëm kështu , shqiptarët do të mund të çlirohen nga korrupsioni që i ka zënë për fyti .
PD-ja dhe Berisha , mund ta përshpejtonin kohën e këtij çlirimi , por zgjodhën zgjatjen e sajë dhe coptimin e PD-së .
Lëvizja populiste e Berishës në të gjitha foltoret , u bazua mbi kritikën vulgare ndaj kundërshtarit duke sjell kthim pas dhe degradimin e antarësisë së PD-së .
Lëvizja populiste e foltorës për tre muaj risolli autoritarizmin , totalitarizmin në PD . U krijua idea se çdo gjë rregullohet nga veprimi popullor i antarësisë , përkundër demokracisë , ku vendimet merrën nga njerëz legjitim , nga struktura legjitime të zgjedhura me votime .
Populizmi i Berishës , pati karakter të qartë revolucionar . Vendimet që mori në stadium , megjithse duket se kanë një tregues konsensusi për pjesemarresit , janë euforike , konfuze dhe të shoqëruara me urrejtje ndaj palës tjetër . Kulmin arriti kur me votim kontestuan gjithë organet legjitime të zgjedhura nga votimi i gjithë antarësisë disa muaj më parë !
Nuk mund të grabitet pushteti duke mos respektuar procedurat demokratike . Shumë antarë , për shumë arsye , në mënyrë të vetëdijshme dhe të pavetëdijshme u bënë objekt manipulimi .
Asgje e vërtetë nuk është e rëndesishme për Berishën dhe miqt e tij që e rrethojnë . Antarët manipulohen , pastaj ata besojnë , pastaj përmes veprimeve , protestave , tubimeve , shantazheve , fyerjeve , dhunës etj , krijojnë një atmosferë kolektive- populiste prej të cilave besojnë edhe njerëzit që e vërteta është ndryshe , jo ajo që thuhet !
Në këto kushte , a ka zgjidhje apo do perçahet perfundimisht PD-ja ?!
Ç’duhet bërë në këto momente delikate ?!
Si do sillen nesër mbështetësit e sotëm të Berishës dhe anatemuesit e Bashës dhe anasjelltas ?!
Kisha mendimin se nuk do arrihej deri këtu . Një përçarje e pa parë , saqë miqësitë po prishen , po ndahen shoket pas kundershtimeve , a thua se kjo luftë është 50 vjeçare ndërmjet tyre !
Në fakt ashtu është !
Lufta e mentaliteteve !
Berisha ja arriti qëllimit . Mund ta këtë patur mision :
Pas meje kiameti !
Ky ishte mashtrimi i fundit që Berisha ju bën demokratëve !
Tani nuk shikoj asnjë rrugë bashkëpunimi ndërmjet dy grupimeve në PD .
Për momentin , me e drejta është ndarja sa më parë në dy apo me shume parti , aq më shpejt do të fillojë demokratizimi i saj .
Sot vërehet një ndjeshmëri e tepruar nga mbështetësit e Berishës , që s’janë gjë tjetër vetëm bolshevikë brenda PD-së .
Berishizmi i goditur nga amerikanët , nuk mund të rikthehet më në politikën shqiptare .
Berisha dhe berishizmi rezultuan 30 vite vija politike të dështuara , të vdekura tashmë !
Tani është koha e vërtetë e Bashës së çliruar nga dualizmi dhe nga Berisha , kjo stuhi politike e vdekur !
Në fund desha ti kujtoj miqve të mij demokrat një fjalë të urtë gjermane :
“Eine alten Baum verflanzt man nicht”!
që do të thotë:
” Nje peme e vjetër nuk rimbillet “!
