Partia Demokratike ka gati kandidatët për kryetar bashkie për zgjedhjet e 6 marsit.
Pas konsultimeve dhe një procesi në bazë prej disa ditëvsh, mbrëmjen e djeshme kryesia e Degës së PD-së Durrës ka miratuar propozimin për kandidatin për Kryetar Bashkie.
Sipas burimeve në PD, Luan Hoti është emri i propozuar nga demokratët e Durrësit.
Propozimi i është dërguar për miratim Kryesisë qendrore në një vendimmarrje unanime të degës.
Sipas afateve të vendosura nga Kryesia e PD-së, baza e partisë dhe kryesitë e Degëve në 6 bashkitë duhet të propozojnë kandidatët brenda ditës së sotme.
Kandidatët e propozuar nga baza do t’i nënshtrohen më pas shqyrtimit dhe miratimit nga Kryesia e PDSH-së.
Ndërkaq kryesia e degës Shkodër i ka besuar ishkryetarit të këshillit bashkiak Shkodër Xhemal Bushatit.
Ndërsa Ferdinand Saraçi propozohet nga dega e PD Rrogozhine si kandidat i Partisë Demokratike në zgjedhjet e 6 marsit.
