Kur po mbusheshin 9 orë nga seanca e dëshmisë së kryeministrit Edi Rama në komisionin parlamentar për inceneratorët, situata është tensionuar rreth orës 21.30 kur po bënte pyetje deputetja e PD-së Ina Zhupa.
Kjo e fundit ka lexuar në komision njoftimin e SPAK për arrestimin e ish-ministrit Lefter Koka. Kjo nuk i ka pëlqyer kryeministrit Rama që ka humbur qetësinë duke vendosur të mos i përgjigjet pyetjeve të Zhupës.
“Zonja Zhupa, ju e humbët mundësinë që të komunikoni me mua. Zonja Zhupa ju do të bëni shumë karrierë në politikë me recitimet që bëni. Ju mund të bëni karrierë me atë kryetar vulëhumbur që keni në PD.
Ju bëni akuza penale dhe më bëni mua recitime. Ku ishte ti deri tani? Në hënë ishe që më bën mua këto recitime. Tu përgjigja dhe nuk të lë që të bësh akuza pa pikë turpi” – tha Rama ndërsa kryetarja Tabaku ka ndërhyrë për të shuar përplasjen teksa Rama nisi të bërtasë.
Mbledhja është ndërprerë për pak momente pasi Rama nuk pushonte të fliste me apo pa mikrofon dhe më pas ka rinisur me tone të larta.
Zhupa: Lefter Koka është në burg për dëmtim të interesave të shtetit
Rama: Je në shkelje të ligjit
Zhupa: Koka thjesht e ka nisur si projekt, pa miratimin tuaj nuk do vazhdohej. A keni përgjegjësi që keni hedhur firmën?
Rama: Po shkel ligjin se po ngre akuza penale. Më vjen keq e je vajzë e re. Mbylle ikrofonin që të flas
Zhupa: Po patjetër
Rama: SPAK nuk është Vatikani. Kujt ia ngre gishtin ti?
Zhupa: Më kthe përgjigje
Rama:Kishte bërë protestë zonja Topalli më thanë që s’jam zonja Tabaku se po të isha unë kullafera do kishte shkuar 800 milionë. Nuk është në tagrin tuaj që të dënojnë njerëz këtu. Do kishit bërë mirë që të bënit pak më shumë përpjekje të dilnit më të palagur për 430 milionë euro
Zhupa: Po ju keni një ish-ministër në burg
Rama: Kaq kisha!
Zhupa: A keni marrë dijeni se ccfarë po bëhet me koncensionet pasi Koka u arrestua?
Rama: Ju nuk keni asnjë lidhje me turpin.
Tabaku: Nuk më duket normale kjo gjuhë. Të lutem
Rama: Mos mu lut fare. Më duket e neveritshme që pas gjithë kësaj maratone të ccohet e të bëjë një recitim sikur është në një botë tjetër. Mendoj se do bëni karrierë në aty parti në shembullin e atij kryetarit vulëhumbur. Këtë karrierë do ta bësh sa të kesh atë kryetar
Tabaku: Është turp
Rama : A jeni në vete ju? Si i thoni me gisht ju jeni organizatë kriminale. Në hënë ishe deri tani? (Perqesh deputeten Zhupa). Me kë je këtu ti?
Tabaku: I kërkoj teknikës të mbyllë mikrofonin
Zhupa: Unë bëra pyetet e mia. Ky është realiteti. këtu po flasim për miliona euro dhe ju mund të thoni fare mirë…Rama: Ajo nuk mbaron dhe punon me bateri
Zhupa: Ju mund të thoni se: Unë i besoj SPAK
Rama: Shife ajo punon me bateri, fiks për Lulin. Nga anët tuaja thonë; amanet mushkat!
Zhupa: Si nuk më dhatë përgjigje?!
Rama: Ti e bëre detyrën!
