Sulmuesi i kombëtares shqiptare, Armando Broja, është padyshim një prej njerëzve të momentit te ekipi i Sauthemptonit, i cili po bën shumë mirë me skuadrën dhe ka marrë një dashuri të madhe nga fansat
Në një intervistë për gazetën lokale të Sauthemptonit, “HampshireLive”, Broja ka folur me superlativa për ekipin që ai ndodhet, se si filloi gjithçka dhe se është shumë i lumtur për zgjedhjen që ka bërë.
“Çdo gjë ka kaluar shumë shpejt. Kur e mendon si filloi është çmendur. Gjashtë muaj kanë shkuar shumë shpejt. Kur kam luajtur ndeshjen e parë, thashë ‘uau, po luaj NË Premier Ligë’. Shumë njerëz e kanë ëndërruar këtë qëkur kanë qenë fëmijë”, u shpreh e sulmuesi shqiptar.
Kur u pyet për të ardhmen, Broja tha: “Nuk dua të mendoj për më shumë sepse mund të dëmtojë mentalitetin dhe mendjen time”, përfundoi 20-vjeçari. panoramasport
