Partia Demokratike do të mbledhë grupin parlamentar si hapin e radhës ku do të zhvillohet procesi i diskutimeve dhe analizës pas rezultatit në zgjedhjet e pjesshme lokale të 6 marsit.
Panorama ka mësuar se mbledhja e grupit parlamentar demokrat do të zhvillohet ditën e shtunë paradite.
Ky takim vjen në vijim të mbledhjes së grupit parlamentar menjëherë pas rezultateve në zgjedhjet e 6 marsit.
Takim i të shtunës në orën 11:00 është thirrur nga kryedemokrati Lulzim Basha.
Këtë të enjte, kujtojmë që në një komunikim me gazetarët Basha u shpreh:
“Ka patur një mbledhje të grupit të deputetëve që një ditë më pas, një mbledhje të grupit të kryetarëve, Kolegjin e Kryetarëve, do të vazhdojë me mbledhjen e Kryesisë. Pra jemi në një proces të thellë reflektimi pas të cilit padiskutim do të marrim përgjegjësitë nga unë i pari”.
