Në rrjetet sociale po qarkullon një video, ku pretendohet se është momenti kur forcat ruse kanë rrëmbyer kryebashkiakun e qytetit Melitopol në Ukrainë
Videoja është publikuar nga shume media, përfshirë edhe gazetën opozitare Nexta në Bjellorusi.
Në video pretendohet se Ivan Federov shfaqet duke u tërhequr zvarrë nga një ndërtesë në qytet.
Sipas BBC, pamjet janë regjistruar në Sheshin e Fitores, pranë Harkut të Çlirimtarëve në qendër të qytetit të Melitopol. Megjithatë, thuhet se nuk mund të verifikohet nëse personi që shfaqet është Federov.
Më herët, këshilltari i Ministrisë së Brendshme Anton Herashchenko tha se Fedorov ishte rrëmbyer në qytet me një qese plastike mbi kokë.
Rusia nuk i ka komentuar ende akuzat, të cilat ministria e jashtme e Ukrainës i ka përshkruar si “krim lufte”.
