Ekipi i Partizanit ka nxjerrë në shitje biletat për miqësoren kundër Romës, që do të luhet më 12 gusht në stadiumin “Air Albania”. Çmimi i biletave varion nga 400 deri në 5 000 lekë, në varësi të vendit. Biletat mund të blihen në internet si dhe në pikën e shitjes në stadiumin “Selman Stermasi”.
Skuadra e Romës vjen sërish në kryeqytet pas 15 muajsh, ku ngriti edhe trofeun e Conference League.
Të kuqtë do të luajnë sfidën kundër italianëve vetëm 2 ditë pas ndeshjes së parë të vlefshme për raundin e tretë të Ligës së Konferencës kundër letonezëve të Valmieras.
