Një 34-vjeçar shqiptar është plagosur me armë zjarri në Greqi. Mediat raportojnë se ngjarja ka ndodhur në zonën Votanikos, ndërsa i plagosur është transportuar në spitalin “Georgios Gennimatas”.
Raportohet se personi i plagosur ka qenë i njohur për autoritetet pasi ka precedent në fushën e drogës dhe vjedhjeve.
Mësohet se në vendin ku ndodhi krimi janë gjetur tre gëzhoja të kalibrit 9 mm. Ndërkohë, shqiptari rezulton me precedent penal, pasi në vitin 2019 është arrestuar për një çështje droge, por provat e deritanishme nuk tregojnë për përfshirjen e tij në ndonjë rast tjetër të rëndë.
