Papa Françesku ndau të enjten mesazhin e tij të parë audio që nga shtrimi në spital gati tre javë më parë për pneumoni të dyfishtë, duke shprehur falënderime për dashamirësit e tij në mbarë botën.
Françesku dërgoi një mesazh të shkurtër të regjistruar në spitalin Gemelli të Romës, i cili u publikua në sheshin e Shën Pjetrit në Vatikan.
“Ju falënderoj nga zemra për lutjet tuaja për shëndetin tim nga sheshi. Unë jam me ju nga këtu . Zoti ju bekoftë dhe ju ruajtë Virgjëresha Mari. faleminderit”.
Edhe pse ai u kishte dërguar mesazhe besimtarëve nëpërmjet Vatikanit që nga shtrimi i tij në spital më 14 shkurt, kjo është hera e parë që zëri i tij dëgjohet. Regjistrimi u publikua pas një njoftimi të Vatikanit se gjendja e Papës është stabël, krahasuar me ditët e para të kësaj jave.
