“Art në sytë e ëndrrave” është ekspozita që bëri bashkë 40 gra dhe vajza nga Shqipëria dhe Diaspora, në galerinë e artit të qytetit të Fierit.
Përmes pikturave, skulpturave dhe punimeve të tjera artistike, kjo ekspozitë ka për qëllim të himnizojë figurën e gruas për të gjitha sakrificat dhe sfidat që kalojnë në jetë.
Kjo ekspozitë është një urë bashkëpunimi mes grave & vajzave artiste për të shkëmbyer eksperiencat e tyre artistike.
Ekspozita, e cila do të qëndrojë e hapur për të gjithë dashamirësit e arteve pamore deri më 31 Mars, u mbështet nga Credins Bank në kuadër të mbështetjes së grave artiste.
