Kryetarja e Kuvendi të Shqipërisë, Elisa Spiropali, mbajti sot fjalën në takimin e dytë të nivelit të lartë “Shqipëria 2030 në BE – Rruga e Reformave”.
Spiropali tha se vendi ynë ndodhet në një moment historik, të cilin duhet ta shfrytëzojmë për t’u anëtarësuar në BE deri në vitin 2030.
Spiropali tha se fushata zgjedhore për zgjedhjet e 11 Majit duhet të shërbejë si një mundësi për t’i bashkuar shqiptarët me familjen evropiane.
Sipas saj tani Europa është e gatshme të punojë me Shqipërinë për anëtarësimin e vendit tonë në BE.
Elisa Spiropali: Nuk mund të ndërtojmë një Shqipëri europiane pa një kuvend europian.
Objektivi ynë për anëtarësimin në BE brenda kësaj dekade është bërë tashmë publik jo vetëm në Shqipëri por edhe në institucione europiane…BE si kryefjala e Shqipërisë e qytetarëve dhe institucioneve të saj është bërë kryefjala e bashkëpunimit tonë me vende e BE-së.
Vendimi i parlamentit europian për të hapur në Tiranë zyrën europiane për Ballkanin Perëndimor dhe miratimi i parafinancimit prej 64.5 mln euro për Shqipërinë si pjesë e rritjes së planit për Ballkanin Perëndimor janë të tjera shenja që tregojnë rrugën e duhur drejt reformave të suksesshme demokratizuese dhe integruese.
Asnjëherë Shqipëria dhe shqiptarët nuk kanë qenë kaq afër dhe të vendosur në rrugëtimin e tyre drejt BE-së. Jemi në moment historik, të cilin duhet ta shfrytëzojmë për ta vendosur yllin e Shqipërisë mes 27 yjeve të Europës.
Këtë fushatë zgjedhore ta shfrytëzojmë si mundësi për t’u bashkuar më shpejt me familjen tonë të natyrshme evropiane.
