Lideri i Partisë Demokristiane (CDU) dhe kancelari i ardhshëm Friedrich Merz e përshkroi marrëveshjen midis Unionit Kristian Demokrat (CDU/CSU) dhe Partisë Social Demokratike (SPD) për formimin e qeverisë federale si një “mesazh shumë të fortë dhe të qartë ” për qytetarët e Gjermanisë dhe partnerët e vendit.
“Gjermania po përgatit një qeveri të gatshme për veprim,” tha Merz.
“Ajo që është në lojë është e ardhmja e vendit, e ardhmja e qytetarëve dhe e ardhmja e Evropës”, tha Friedrich Merz dhe theksoi se kjo, e kombinuar me kushtet ndërkombëtare, përbën presion shtesë për të marrë vendimet më të mira të mundshme dhe ato më të besueshmet.
Në qeverinë e ardhshme, politikanët e CDU-së do të kenë ministritë e Ekonomisë dhe Energjisë, Punëve të Jashtme, Arsimit dhe Familjes, Shëndetësisë, Komunikimit dhe Tranzicionit Dixhital-Modernizimi i Shtetit.
Gjithashtu, ministritë e Brendshme, Kërkimit, Teknologjisë dhe Hapësirës do të plotësohen me zyrtarë të Unionit Kristian Social (CSU), ndërsa SPD do të marrë ministritë e Financave, Drejtësisë, Punës dhe Çështjeve Sociale, Mbrojtjes, Mjedisit, Mbrojtjes së Klimës dhe Mjedisit, Bashkëpunimit për Zhvillim dhe Ndërtimit.
