Kryeministri Edi Rama ka publikuar mëngjesin e sotëm (16 prill) foton e një familje shqiptare në diasporë, të cilët në duar kanë fletët e votimit për zgjedhjet e 11 majit.
Rama shkruan se fotoja për të ishte aq prekëse dhe frymëzuese, ndërsa shprehet se pret që t’ua shpërblejë me pasaportën europiane.
“Sa prekëse e njëkohësisht frymëzuese kjo foto kaq simbolike e një familjeje shqiptarësh të Europës, për përpjekjen tonë të përbashkët për Shqipërinë 2030 🇦🇱🖐️🇪🇺
Faleminderit me mirënjohje dhe ju’a shpërblefsha me pasaportën europiane të Shqipërisë e me një Shqipëri zonjë në Bashkimin Europian, e cila për çunin e vogël dhe bashkëmoshatarët e tij të mos jetë më kurrë një vend banorësh të dorës së dytë të Europës🙏”, shkruan Rama.
