Vendimi për dosjen “Partizani” është shtyrë nesër në orën 13:00. Gjykta e Posaçme Antikorrupsion e vendos nesër nëse të akuzuarit e dosjes, mes tyre kreu i PD, Sali Berisha dhe dhëndri i tij Jamarbër Malltezi do të kalojnë për gjykim.
Avokati Genc Gjokutaj në deklaratën për mediat u shpreh se kanë kërkuar kohë për konsultim ndaj vendimmarrjes.
“Ka rrëzuar kërkesat tona për pavlefshmërinë për ekspertët. Vendimmarrja rrëzoi kërkesat që kemi bërë në seancat paraprake. Ne kërkuam një kohë të shpejtë për t’u konsultuar për këtë vendimmarrje të paligjshme. Nesër do ta merrim vesh se gjykata kur do ta japë vendimin në lidhje me dërgimin ose jo të çëshjtes në gjykatë, me themel.
Jemi të pasqaruar sepse jam i paqartë për këtë vendim gjyqësor. Unë nuk mund të konsumoj kërkimet e mundshme që mund të bëj, por pasi ta konsultojmë me personat e mandatuar për këtë punë. Kërkesat i kemi bazuar në kodin e procedurës penale”, tha avokati Gjokutaj.
Berisha dhe Malltezi janë nën akuzë në lidhje me privatizimin e ish-kompleksit sportiv Partizani.
