Një makinë ka goditur këmbësorët në qendër të Liverpulit, duke plagosur disa persona. Një burrë është arrestuar, sipas raporteve fillestare nga qyteti britanik.
Incidenti i tmerrshëm ndodhi teksa mijëra tifozë mbushën rrugët e qytetit për të festuar fitoren e Liverpool në Premier League.
“Policia u thirr pak pas orës 6:00 të mbrëmjes për shkak të raportimeve se një makinë ishte përplasur me disa këmbësorë në Rrugën Water”, thanë autoritetet. Makina u ndalua në vendin e ngjarjes dhe një burrë u arrestua. Shërbimet e emergjencës janë në vendngjarje dhe po u japin ndihmën e parë të lënduarve Një dëshmitar okular i tha Sky News se dëgjuan britma të forta: “Njerëzit dukeshin të tmerruar. Pastaj pamë nga dritarja makinën që kishte shkelur mbi njerëz. Ata filluan të vraponin pas shoferit dhe u përpoqën ta thyenin makinën. “Policia bëri gjithçka që mundi për të parandaluar dhe larguar njerëzit.”
Imazh LIVE nga Liverpooli:
