Tifozët e Interit nuk po e përjetojnë edhe aq mirë humbjen në finalen e Ligës së Kampioneve dhe kritikat ndaj lojtarëve zikaltër kanë qenë të shumta. Një nga ata që kanë vuajtur kritikat e mbështetësve ka qenë mbrojtësi Françesko Açerbi, i cili asnjëherë nuk u duke se ishte në gjendje të ndalte sulmuesit e PSG-së.
Por jo vetëm ai, në objektivin e tifozëve ka përfunduar edhe gruaja e tij. Klaudia. Ajo ka postuar foto në rrjetet sociale ku shfaqej bashkë me familjen në udhëtimin drejt Mynihut për finalen. Fotot menjëherë janë bërë objekt talljesh nga tifozë që nuk janë të Interit, por edhe kritikash nga ata ta zikaltërve.
Një tifoze e acaruar i shkruante Klaudias ”si mund të postosh pas një nate të tillë”. Dhe gruaja e Açerbit nuk ka ngurruar t’i përgjigjet.
“Në të njëjtën mënyrë se si ti je këtu për të komentuar një postimin tim. Janë foto të bëra para ndeshjes, nga momente që nuk do të harroj kurrë dhe dëshiroja të postoja e që do të mbeten pavarësisht rezultatit. Probleme? Ik vuaj pa më çarë dërrasat mua”, ishin fjalët e saj.
