Tiranë, 2 korrik 2025 – Wizz Air, linja ajrore më miqësore me mjedisin në rajonin EMEA*, prezanton, sot sloganin e ri të markës: “Let’s WIZZ”.
Ky slogan shënon një evolucion të guximshëm për markën Wizz Air, duke u larguar nga formatet tradicionale të lidhura me linjat ajrore me çmime të ulëta, për të përqafuar frymën e udhëtimit modern të prekshëm nga të gjithë.
Ky hap pasqyron ambicien e vazhdueshme të linjës ajrore për të riformatuar përvojën e udhëtimit ajror përmes çmimeve të jashtëzakonshme, cilësisë dhe shërbimit ndaj klientit.
Që nga fluturimi i saj i parë në vitin 2004, Wizz Air ka revolucionarizuar udhëtimin ajror, duke e shndërruar fluturimin nga një përvojë luksoze në një mundësi të vërtetë dhe të përditshme. “Let’s WIZZ” ndërton mbi këtë rrugëtim me një premtim të rinovuar për të ofruar mundësi fluturimi të këndshme dhe të përballueshme — qoftë për pushime familjare, një arratisje të çastit apo një aventurë solo.
Më shumë se një slogan, “Let’s WIZZ” është i rrënjosur në “Customer First Compass**” të Wizz Air – një iniciativë prej 12 miliardë paundësh që vendos klientin në qendër të operacioneve të linjës ajrore. Ky parim do të integrohet edhe më tej në funksionimin e kompanisë përmes një seti të rifreskuar vlerash dhe sjelljesh për punonjësit.
“Let’s WIZZ” do të lançohet përmes një fushate gjithë perfshirëse, e cila do të përfshijë aktivizime në aeroporte, reklama digjitale dhe të jashtme, si dhe promocione ekskluzive për klientët e Wizz Air në rrjetin e gjerë të linjës ajrore me mbi 800 destinacione.
Silvia Mosquera, Drejtoreshë Komerciale në Wizz Air, u shpreh:
“Wizz Air ka transformuar kuptimin e fluturimit për miliona njerëz duke e bërë atë më të aksesueshëm. Fluturimi është më shumë sesa thjesht të shkosh nga pika A në pikën B – është një përvojë personale. ‘Let’s WIZZ’ kap emocionet që qëndrojnë pas fluturimit – spontanitetin, lirinë dhe aventurën. Ai përfaqëson një evolucion të guximshëm të markës Wizz Air, duke shënuar hapin e radhës në udhëtimin tonë për të ngritur standardet dhe për të ofruar më shumë për klientët tanë. Qëndroni me ne për më shumë emocione dhe… Let’s WIZZ!”
