Një operacion mes Policisë dhe Drejtorisë së Përgjithshme të Tatimeve, është zhvilluar në zyrat qendrore të kompanisë “Bankers Petroleum” në Fier.
Gjatë këtij aksioni janë arrestuar ish-drejtori i kompanisë, Leonidha Çobo, si dhe drejtori aktual i përgjithshëm, Hongping Xiao.
Dyshohet se shkak për arrestimet është bërë një borxh që “Bankers Petroleum” i ka shtetit shqiptar si dhe detyrime të pashlyera tatimore.
Në ambientet e kompanisë kanë qenë prezentë që prej mesditës një furgon i Policisë së Shtetit dhe një automjet me inspektorë nga Drejtoria e Përgjithshme e Tatimeve.
