Futbollisti shqiptar Qazim Laçi, i cili iu bashkua skuadrës së Çaykur Rizespor, tha se me skuadrën e tij në sezonin e ri synon të kualifikohet për kupat e Europës. Lojtari i Kombëtares shqiptare erdhi në Erzurum për të marrë pjesë në përgatitjet e sezonit të ri, pasi nënshkroi një kontratë 3-vjeçare me ekipin blujeshil.
Mesfushori 29- vjeçar, i cili sezonin e kaluar luajti në 50 ndeshje të ligës çeke, kupës dhe Ligës së Kampionëve me Sparta Pragën, deklaroi se është i lumtur në Turqi.
Laçi zbuloi se u familjarizua shpejt shokët e ekipit, duke thënë: “Kam miq që i kam njohur më parë. Kam edhe miq në ekip, me të cilët flas të njëjtën gjuhë. Kjo është arsyeja pse për mua ishte e lehtë të përshtatesha”.
INFORMACION PËR TURQINË DHE EKIPIN
Futbollisti me përvojë shpjegoi se pati mundësinë të takohej me miqtë që luanin në Turqi përpara se t’i bashkohej ekipit të Detit të Zi.
“Nuk takova askënd në ekip përpara se të vija këtu, por kam miq nga ekipi kombëtar dhe që luajnë në Turqi. Pata mundësinë të takohesha me ta. Mësova si për Turqinë ashtu edhe për ekipin. Gjëja e rëndësishme për mua këtu është të përshtatem sa më shpejt të jetë e mundur. Duhet të përshtatem me nivelin e ligës. Kjo është puna ime dhe shpresoj ta përfundoj sa më shpejt të jetë e mundur”, tha ai.
Qazim Laçi përmendi gjithashtu se pati një takim me trajnerin Ilhan Palut. “Më parë isha takuar me agjentin tim. Ata po kërkonin lojtarë në një pozicion të ngjashëm me timin. Më vonë, agjenti im më informoi për situatën.
U takova me trajnerin dhe dëgjova idetë e tij. Mendimet e një trajneri janë shumë të rëndësishme për një lojtar. Idetë që ai paraqiti ishin shumë interesante për mua. Ato mendime ishin një nga faktorët më të rëndësishëm në ardhjen time këtu.
Në fakt, gjithçka ndodhi shumë shpejt. Kur pashë që gjithçka ishte në rregull, u bashkova me ekipit sa më shpejt të ishte e mundur. Tani, po bëjmë plane për të ardhmen”, tha ai Duke deklaruar se dëshiron të japë një kontribut të madh për ekipin e tij në sezonin e ri, Qazim Laçi tha:
“Tifozët do të shohin një lojtar që nuk dorëzohet kurrë në fushë dhe lufton vazhdimisht për veten dhe ekipin e tij. Klubi ynë ka objektiva dhe unë dua të kontribuoj sa më shumë që të mundem për këto objektiva. Objektivi ynë këtë vit është një vend në garat evropiane. Ky objektiv i deklaruar është motivim shtesë për mua. Do të bëj më të mirën për ekipin”.
