Armando Broja nuk është përfshirë në listën e Bërnlit, për ndeshjen kundër Mançester Junajtid. Një vendim i çuditshëm, pasi Broja luajti 63 minuta në “EFL Cup”, madje duke asistuar në fitoren 2 me 1 ndaj Derbit.
Në sfidën e sotme për javën e tretë të Premier Ligë pritej të paktën në stol. Për të është treguar nga trajneri më parë se nuk është i gatshëm fizikisht.
Dhe duket se Broja nuk e përballon një ndeshje të elitës angleze aktualisht. Sulmuesi i Kombëtares ndërkohë është ftuar nga Silvinjo për ndeshjet e shtatorit.
Shqipëria do të sfidojë Gjibraltarin në miqësore dhe më pas Letoninë. Ndaj këtyre të fundit ndeshja është e vlefshme për kualifikueset e Botërorit.
