Autoritetet portugeze kanë konfirmuar kombësitë e 16 viktimave që humbën jetën në aksidentin tragjik me tramvajin, që ndodhi pranë në São Pedro de Alcántara, në Lisbonë.
Sipas të dhënave zyrtare, viktimat janë:
• 5 portugezë,
• 3 britanikë,
• 2 koreano-jugorë,
• 2 kanadezë,
• 1 zviceran,
• 1 ukrainas,
• 1 amerikan,
• dhe 1 francez.
Ndërkohë, 22 persona të tjerë mbetën të plagosur, shumica turistë të huaj nga 10 vende të ndryshme.
Sipas Byrosë së Parandalimit dhe Hetimit të Aksidenteve Ajrore dhe Hekurudhore (GPIAAF), mbledhja e të dhënave nga vendi i ngjarjes u përfundua brenda ditës së enjte. Fillimisht, dëshmitarët raportuan se sistemi i frenimit mund të ketë dështuar, por burime nga autoritetet sugjerojnë se kjo mund të mos jetë e saktë.
Tramvaji u përplas me një ndërtesë pasi doli nga shinat gjatë zbritjes në drejtim të Restauradores, duke shkaktuar përplasjen fatale.
Hetimet janë ende në fazën paraprake, por po përjashtohet mundësia që aksidenti të ketë ndodhur për shkak të mungesës së mirëmbajtjes. Autoritetet po shqyrtojnë shkaqe të tjera të mundshme, përfshirë dëmtime strukturore
