Një aksident i rëndë ka ndodhur mbrëmjen e sotme në zonën e Unazës së Re, në afërsi të Paskuqanit.
Sipas informacioneve paraprake, në vendngjarje kanë shkuar ambulancat dhe makina të policisë.
Dëshmitarë nga vendi i ngjarjes raportojnë për të plagosur, por ende nuk ka detaje të konfirmuara zyrtarisht për gjendjen e tyre shëndetësore apo numrin e saktë të të lënduarve.
Si pasojë e aksidentit, është krijuar trafik i rënduar në hyrje dhe dalje të Paskuqanit, në zonën që lidhet me Unazën e Re. Për të lehtësuar kalimin e ambulancave, policia ka ndërhyrë me devijimin e trafikut, duke krijuar korridore për emergjencat.
Aktualisht, autoritetet janë në vendngjarje dhe po punojnë për zbardhjen e rrethanave të aksidentit, ndërsa pritet një komunikatë zyrtare për numrin e të lënduarve dhe shkaqet e ngjarjes.
