Një komision parlamentar francez ka rekomanduar që fëmijëve nën moshën 15 vjeç t’u ndalohet përdorimi i rrjeteve sociale, ndërsa për moshat 15–18 vjeç të vendoset një “orë policore dixhitale” gjatë natës, raporton BBC.
Këto propozime vijnë pas një hetimi gjashtëmujor mbi efektet psikologjike të TikTok te të miturit, ku komisioni zbuloi se platforma e videove të shkurtra “i ekspozon qëllimisht fëmijët dhe të rinjtë ndaj përmbajtjeve të rrezikshme dhe qe krijojne varesi.”
“Duhet ta detyrojmë TikTok të rishikojë modelin e tij,” deklaroi komisioni, i cili gjatë hetimit dëgjoi dëshmitë e adoleshentëve dhe familjeve të viktimave të reja, të prekur nga përmbajtja në rrjet.
Platforma TikTok reagoi duke mohuar akuzat dhe duke i quajtur gjetjet e komisionit një “karakterizim mashtrues të platformës”, që synon të “gjejë fajtorin te kompania jonë për probleme që janë të përhapura në gjithë industrinë dhe shoqërinë.”
