Personi në foto është Isuf Jacaj, 58-vjeç, person me precedentë penalë, i cili u ekzekutua mbrëmjen e djeshme në lagjen nr. 3 të Sarandës, pasi iu vu tritol në makinë.
Mësohet se ai është babai i 31-vjeçarit Klaus Jacaj. Jacaj ndodhet në burg për “përkrahje e autorit të krimit”, si pjesëmarrës në ngjarjen e datës 17.07.2025, kur Ramadan Zoto plagosi me armë në lagjen nr. 4 të Sarandës, Gëzim Hajdaraj dhe Ernest Lamën nga Kamza.
Ndërkohë, vetëm 3 muaj më parë, më 22 korrik, Klaus Jaçajt i hodhën në erë makinën me tritol. Mjeti ishte i parkuar pranë një pallati, po në lagjen numër 3, në të njëjtën zonë ku babai i tij humbi jetën në një atentat me tritol.
