Hansi Flik diskutoi për ndeshjen kundër Girona në “Montjuïc” që luhet sot në orën 16:15.
Trajneri gjerman konfirmoi rikthimin e Lamin Jamal dhe Fermín Lopez, mbrojti profesionalizmin e Levandovskit, pranoi se nuk i pëlqen të luajë ndeshjen kundër Vijarreal në Majemi dhe mbajti një qëndrim të ashpër kundër thashethemeve se klubi e detyroi të luante Jamal kundër PSG-së pavarësisht se mbërriti me vonesë. Me detaje Flik ka zbërthyer gjithka që ka bëjë për skuadrën e tij por edhe kundërshtarin.
LAMIN JAMAL MBËRRIN VONË DHE LUAN NËN PRESION “Do të doja të dija nga e keni nxjerrë këtë thashethem. Janë budallallëqe. Nuk janë të vërteta. Në këtë klub, me Dekon dhe pjesën tjetër të profesionistëve, kam një marrëdhënie të vërtetë. Besoj në punën time. Kam besimin e tyre dhe ata nuk do të na e kërkonin. Është budallallëk. Kushdo që e tha, gënjeu. Për mua, gjëja e rëndësishme është që kur jam këtu, të punoj shumë. Dhe e gjithë kjo është perfekte. Lamin është shumë profesional. Ajo që bën në ditët e tij të lira është jeta e tij private dhe unë nuk ndërhyj.”
TË DËMTUARIT “Në sulm, ka lojtarë që na kanë munguar. Këto janë gjëra që nuk mund të ndryshohen. Nëse kthehen, nuk do të jenë në gjendje të luajnë të gjithë ndeshjen. Por ne duhet ta menaxhojmë situatën. Do të shohim çfarë do të ndodhë. Duhet të luajmë futbollin tonë më të mirë. Kjo është ajo që dua nga skuadra”.
LEVANDOVSKI “Roberti më tha se pas pjesës së parë, ai luajti me një fashë dhe se nuk kishte dhimbje, ishte mirë. Na mungon. Por nuk do të kalojë shumë kohë para se ta shohim përsëri. Nuk mendoj se ka ndonjë lojtar që kujdeset aq shumë për trupin e tij sa Roberti. Ai më tha se mendonte se nuk ishte një dëmtim. Ke një ndjenjë. Ai është gjithmonë shumë përgjegjës për shëndetin dhe trupin e tij. Nuk ka askush, përveç Kristiano Ronaldos, që kujdeset për veten siç kujdeset ai. Duhet ta menaxhosh. Nuk është problem.”
FORMACIONI ENDE DILEMË “Frenki luajti të dielën dhe ka pasur një javë dhe ditë pushim. Pedri ka pasur më pak pushim, por po luan në një nivel shumë të mirë. Është çështje shqyrtimi i situatës së tij. Do të kujdesemi për Pedrin; nuk është e lehtë. Ata janë lojtarë të klasit botëror dhe është normale që ata të grumbullojnë më shumë minuta”.
PRESINGU LART NGA SULMUESIT “Siç them gjithmonë, nëse mbrohemi, i përfshij të gjithë. Duhet të japim 100 përqind çdo herë. Ajo që dua nga një sulmues është të ndërtojë lojën mirë, të bëjë presion dhe të krijojë raste. Dhe mbrojtësit gjithashtu duan që sulmuesit të bëjnë presion. E kemi shqyrtuar situatën dhe çfarë duhet të përmirësohet. Duhet të përmirësojmë mentalitetin dhe qëndrimin tonë. Ne jemi Barça dhe tifozët duan të na shohin duke luftuar për çdo top. Ndoshta jo të gjithë lojtarët janë aq në formë sa duhet të jenë, por është një mundësi e mirë për lojtarët e rinj. Si trajner, po e menaxhoj situatën dhe nuk jam i shqetësuar.
