Në Spitalin Universitar Obsetrik – Gjinekologjik “Koço Gliozheni” në Tiranë, një çift i ri është bekuar me katërnjakë.
Geraldo dhe Rozeta janë bërë prindër të tre djemve dhe një vajze, të cilët gëzojnë shëndet të plotë.
Lajmin e ka dhënë Ministria e Shëndetësisë, ku bën m dije se pas një muaji kujdesi shëndetësor intensiv, foshnjat janë gati të lënë ambientet e maternitetit dhe të shkojnë në shtëpinë e tyre, bashkë me dy prindërit.
Roal, Alrda, Roar dhe Auro kanë ardhur nga një shtatzëni normale dhe redaksia e newsbomb.al i bashkohet urimeve për çiftin e ri, që vogëlushët e tyre të kenë jetën e gjatë dhe të rriten të lumtur me dashurinë e familjes.
