Një rrëshqitje masive e dheut dhe shkëmbinjsh raportohet se ka ndodhur në aksin rrugor Qukës-Qafë Plloçë në afërsi të tuneleve.
Bëhet me dije se si pasojë e shirave të shumtë është shkëputur një sipërfaqe e madhe mali duke bërë bllokimin e plotë të aksit, ndërsa kompania kontraktore e mirëmbajtjes është detyruar të vendosë në përdorim baypass provizor për kalimin e mjeteve.
Kjo është problematika më e madhe e evidentuar nga rrëshqitjet në këtë aks rrugor, ndërsa pritet që autoritetet të marrin masa për hapjen e aksit.
