Në mbledhjen e sotme të Këshillit të Ministrave, janë bërë disa ndryshime në qeveri.
Në Ministrinë e Shëndetësisë dhe Mirëqenies Sociale është emëruar Oltjon Muzaka si zëvendësministër, ndërsa është liruar nga detyra Entela Ramosaçaj.
Ndërsa në ministritë e tjera, nuk ka pasur ndryshime në zv.ministra, por janë ndryshuar disa nga emërtimet e ministrive.
Ndryshimet në qeveri:
– Z. Oltjon Muzaka emërohet zëvendësministër i Shëndetësisë dhe Mirëqenies Sociale.
– Znj. Entela Ramosaçaj, zëvendësministër i Shëndetësisë dhe Mbrojtjes Sociale, lirohet nga kjo detyrë.
– Znj. Ina Majko, zëvendësministër i Shëndetësisë dhe Mbrojtjes Sociale, lirohet nga kjo detyrë dhe emërohet zëvendësministër i Shëndetësisë dhe Mirëqenies Sociale.
– Znj. Denada Seferi, zëvendësministër i Shëndetësisë dhe Mbrojtjes Sociale, lirohet nga kjo detyrë dhe emërohet zëvendësministër i Shëndetësisë dhe Mirëqenies Sociale.
– Z. Enkelejd Musabelliu, zëvendësministër i Ekonomisë, Kulturës dhe Inovacionit, lirohet nga kjo detyrë dhe emërohet zëvendësministër i Ekonomisë dhe Inovacionit.
– Znj. Olta Manjani, zëvendësministër i Ekonomisë,Kulturës dhe Inovacionit, lirohet nga kjo detyrë dhe emërohet zëvendësministër i Ekonomisë dhe Inovacionit.
– Znj. Blerta Rama, zëvendësministër i Ekonomisë, Kulturës dhe Inovacionit, lirohet nga kjo detyrë dhe emërohet zëvendësministër i Ekonomisë dhe Inovacionit.
Emri ne krye te DAP
Këshilli i Ministrave ka emëruar Vilma Gurin në postin e Drejtoreshës së Departamentit të Administratës Publike. Bëhet fjalë për një pozicion me rëndësi të lartë në vend, të cilin Guri e merr pas një periudhe shërbimi si këshilltare pranë Kryeministrit.
Vilma Guri do të zëvendësojë në detyrë Enkela Dudushin, e cila do të vijojë të ushtrojë funksione të rëndësishme brenda strukturave të institucionit. Mësohet se kjo lëvizje vjen në një moment kur Bashkimi Europian dhe partnerët ndërkombëtarë kanë udhëzuar përshpejtimin e reformave në administratën publike, përmirësimin e standardeve të transparencës dhe llogaridhënies.
Një prej detyrave kryesore që i besohet Gurit është përmbushja e kritereve teknike ligjore dhe institucionale të përcaktuara nga programet e reformës, si dhe përgatitja e strukturave të reja të administratës që mbështesin bojkotimin e burokracisë dhe zbatimin e praktikave moderne të menaxhimit.
Pas largimit të Albana Koçiut nga ky post, institucion ku punoi për 10 vite dhe e bëri të njohur duke e katapultuar fillimisht si Ministre e Shëndetësisë e mandej e Punëve të Brendshme, Enkela Dudushit iu besua drejtimi i Administratës Publike, institucion në të cilin ajo ka shërbyer për afro 2 dekada. Puna e saj në këtë institucion ka qenë intensive duke arritur të rrisë standartin e profesionalizimit në procesin e rekrutimit të punonjësve të administratës në Republikën e Shqipërisë.
