Policia ka shoqëruar në komisariatet e Tiranës 10 persona pas përmbylljes së protestës kombëtare të opozitës.
Arsyeja e shoqërimeve është hedhja e molotovëve drejt godinës së kryeministrisë, menjëherë sapo mbylli fjalimin në shesh kreu i PD-së Sali Berisha.
Gjithashtu bëhet me dije se disa prej deputetëve të PD-së ndodhen pranë komisariatit nr.1 në Tiranë, në mbështetje të protestuesve opozitarë të shoqëruar.
Kryetar i Grupit Parlamentar të Partisë Socialiste, Taulant Balla i dërgon një mesazh kryetarit të PD, Sali Berisha pas molotovëve të hedhur në drejtim të kryeministrisë.
Përmes një postimi të shkurtër, por të drejtpërdrejtë në rrjetet sociale, me pamje të Berishës që valëvit flamurin përballë flakëve, Balla shkruan:
“Sali, ti nuk e djeg dot më Shqipërinë!”
Balla, i cili njihet për mesazhet e forta që adreson në drejtim të Berishës në sallën e kuvendit dhe jo vetëm edhe kësaj here me një frazë të vetme i kujton atij të kaluarën, duke iu referuar ngjarjeve të ‘97-ës, shpërthimit në Gërdec dhe vrasjeve në bulevard kur ishte kryeministër.
