Partia Demokratike ka dorëzuar në SPAK një kërkesë për procedim penal ndaj kryetarit të Kuvendit, Niko Peleshi.
Sipas dokumentit, opozita pretendon se Peleshi nuk ka thirrur mbledhjen e Këshillit të Mandateve dhe Imuniteteve për të shqyrtuar kërkesën e SPAK për lejimin e masës së arrestit.
Prej datës 16 dhjetor, SPAK i ka paraqitur kërkesë Kuvendit për heqjen e imunitetit të zëvendëskryeministres Belinda Balluku. Që nga ajo kohë është zhvilluar vetëm një mbledhje, pa asnjë konkluzion.
Sipas PD-së, opozita ka tentuar pesë herë rihapjen e diskutimit, ndërsa mazhoranca ka argumentuar se shqyrtimi do të bëhet pas datës 22 janar, në pritje të vendimit të Gjykatës Kushtetuese lidhur me kompetencën për pezullimin e një anëtari të qeverisë.
