Qeveria miraton shtesa pagash për punonjësit e shëndetësisë, policisë, forcave të armatosura dhe burgjeve.
Përveç indeksimit të pagës me 2.5%, ata do të marrin shtesë page për vjetërsi në punë (0.6–1%), për shërbimet e urgjencës dhe kompensime për punën larg vendbanimit.
Mjekët në shërbimet e urgjencës, reanimacion, hemodinamikë, njësitë e aksidenteve cerebrale dhe neonatologji përfitojnë 18,000 lekë në muaj, ndërsa infermierët marrin 12,000 lekë.
Po ashtu, mjekët dhe personeli teknik i institucioneve shëndetësore, si dhe mjekët civilë dhe ushtarakë të Forcave të Armatosura për shërbimin e rojës dhe urgjencës marrin 2,700 lekë për ditë të zakonshme dhe deri në 3,200 lekë në ditë pushimi ose festa. E njëjta masë vlen për mjekët dhe infermierët e shërbimit të urgjencave.
