Një aksident me pasojë vdekjen e një personi ka ndodhur mesnatën e së enjtes në Tiranë.
Sipas policisë aksidenti ndodhi rreth orës 00:00, në aksin rrugor “Vorë – Fushë-Prezë”, ku shtetasja E. E., rreth 23 vjeçe, dyshohet se ka humbur kontrollin mbi drejtimin e automjetit, i cili është përplasur me barrierat anësore të rrugës.
Si pasojë, 23-vjeçarja Elvina Elezi ka humbur jetën në spital. Grupi hetimor vijon punën për zbardhjen e rrethanave të aksidentit.
Materialet procedurale iu referuan Prokurorisë së Tiranës, për veprime të mëtejshme.
