Deputeti i Partisë Demokratike, Klevis Balliu, ka zhvilluar një takim miqësor me ish-ministrin e Jashtëm të Maqedonisë së Veriut, Bujar Osmani.
Në një postim publik, Balliu bëri të ditur se gjatë bisedës u diskutuan çështje të ndryshme që lidhen me interesat e kombit shqiptar në rajon dhe më gjerë, duke theksuar rëndësinë e bashkëpunimit dhe dialogut për sfidat e përbashkëta.
Reagimi i plotë:
Ishte një kënaqësi e veçantë të zhvilloja një takim miqësor me ish-ministrin e Jashtëm të Maqedonisë së Veriut, të nderuarin zotin Bujar Osmani, me të cilin pata mundësinë të diskutoja mbi çështje të ndryshme që lidhen me interesat e kombit tonë në rajon dhe më gjerë.
Kënaqësi të takohesha me deputetin Musa Xhaferri, njëkohësisht kryetar i Komisionit për Punët e Jashtme dhe Tregtinë në Maqedoninë e Veriut.
Kënaqësi të takoja Kryetarin e Parlamentit të Maqedonisë së Veriut, Z. Afrim Gashi.
Integrimi evropian i Maqedonisë së Veriut kërkon një angazhim të përbashkët politik, ku shqiptarët duhet të luajnë rol udhëheqës.
Përtej çdo dallimi, qëndrojmë të bashkuar në vizionin tonë perëndimor.
